Haur eta helduen gaixotasun kronikoen kontsulta

“Kroniko” bezala ezagutzen diren gaixotasunen (asma, dermatitisa, psoriasisa, gaixotasun autoinmuneak, kantzerra, alergiak, bertigoa…) balorazioa eta tratamendu integratzailea baliabide desberdinak erabiliz: etioterapia, homeopatia, landare medizinalak, lore esentziak, mikrobiota eta elikadura.

Haurren gaixotasun akutuen artatzea

Akutuak diren haurren patologien balorazio fisikoa eta tratamendua.

Haur eta helduen egoera emozionalean oinarrituriko kontsulta

· Haurren sintoma emozionalen ulermena eta tratamendua  (beldurrak, urduritasunak, jokabide arazoak (agresibitatea, autoestima baxua, lagunarteko liskarrak, sentsibilitate handia…))

· Ikasketa prozesuan zailtasunak (Dislexia, TDAH, TDA…)

· Heldu eta nerabeen prozesu emozionalen ulermena eta tratamendua  (antsietatea, depresioa, loezina, agitazioa, palpitazioak…)

Etioterapia saioa

Zer da? Oso zaila da hitz gutxitan etioterapia zer den adieraztea baina modu “erraz” batean gaixotasun edota arazo bat sendatzeko, honen sustraietara eramaten gaituen gorputzeko terapia bezala definituko nuke.

Gorputzeko egoera desberdinetan lan egiten duen terapia da: maila fisikoan  (ukitu dezakegun gorputza), maila biologikoan  (gu osatzen gaituen maila mikroskopikoa: hormonak, neurotransmisoreak, sistema inmunologikoa, ADNa) eta maila psikikoan  (fisika kuantikoak azaltzen duen maila energetikoa).

Ulergarriago izan dadin, denok ditugu kudeatzen jakin ez ditugun bizitzako esperientzia mingarriak, sufrimendua sortzen dizkigutenak, non  hauek igarotzea eta onartzea zail egiten zaigun momentu jakin batean. Gure gorputzak, gu babesteko, mingarria den esperientzi edota informazio hau gorde egiten du, nolabait esateko, “armario batean giltzapean sartzen du”. Gordetako informazio honi SAC (sistema auto-compensado) deitzen diogu. SAC hauek bizitzan zehar gehitzen doaz, non gure osasun fisiko eta mentalean ondorioak  agertzen hasten diren,  gure gorputzeko maila desberdinetan sintomak azalduz.

Etioterapiari esker, gaixotasun horren jatorrian dauden SAC horiek identifikatu eta lantzen ditugu, eta gertatzen zaigun arazoaren aurrean kontzientzia hartzea baimentzean, bezeroaren transformaziorako barne mugimendua sortzen da.

Nola burutzen da etioterapia saioa?
Bezeroa kamilan etzaten da eta etioterapeutak, eskumuturreko pultsuan eta aurikulomedikuntzako puntuetan oinarrituz, filtro eta tablak erabiliz, min fisiko, emozional edota mentala sortzen ari den blokeatutako informazioa hautematen du.